Snjalltæki og unga fólkið okkar

Snjalltæki og unga fólkið okkar

Sameiginlegur fundur foreldrafélaganna í Kerhólsskóla, Bláskógaskóla Laugarvatni, Bláskógaskóla Reykholti, Flúðaskóla, Flóaskóla, Menntaskólanum á Laugarvatni og leikskólanna á svæðinu verður haldinn þann 12. apríl klukkan 20:00. Fundurinn markar upphaf að samstarfi félaganna sem að verður vonandi til þess að efla þau öll og foreldrana sem að þeim standa.

Ákveðið var af undirbúningshópnum að halda fyrsta sameiginlega fundinn um snjalltæki og notkun þeirra. Þetta málefni hefur brunnið á foreldrum í nokkurn tíma og helst í hendur við stóraukna notkun þessara tækja. Margir foreldrar eru áhyggjufullir og hafa orðið varir við þær neikvæðu hliðar sem að þessum tækjum fylgja. Á sama tíma er ljóst að þau eru komin til að vera og því þarf að huga að því hvernig við umgöngumst tækin, hvaða reglur eiga að gilda og hvernig nálgumst við þau á skynsamlegan hátt.

Til að hjálpa foreldrum að átta sig betur á þessum málum blása því félögin til fundar. Samráðshópurinn hefur gefið þessu samstarfi nafnið Foreldrasveitin og vísar þannig til þess umhverfis sem við búum í en einnig til þess að með því að fylkja liði þá er hægt að gera fullt af jákvæðum breytingum í krafti samstöðu og fjölda.

Á fundinn munum mæta sérfræðingar á þessu sviði og segja foreldrum frá því hvaða áhrif tækin geta haft og hvernig við getum brugðist við til að ná sem bestum árangri og forðast neikvæð áhrif. Allir foreldrar eru í sömu sporum hvað varðar þessi tæki þar sem þau eru ný og að sækja í sig veðrið. Fyrirlesararnir okkar munu því reyna að svara spurningum eins og hvaða áhrifa hafa þessi tæki í raun og veru, hvað þarf að varast og hvernig eigum við að nálgast þau á jákvæðan hátt.

Fyrirlesara eru Björn Hjálmarsson, læknir á BUGL og Arna Skúladóttir, hjúkrunarfræðingur og svefnráðgjafi, Jana Lind Ellertsdóttir, fulltrúi í Ungmennaráði og Heiða ÖsKristjánsdóttir, félagsráðgjafi hjá Árborg. Þau flytja erindi sem snúa að tækjunum, notkun þeirra, umgengni og upplifun.

Undirbúningshópurinn vonast til að sjá sem flesta á fundinum þann 12. apríl í Aratungu Reykholti. Fundurinn er opin öllum hvort sem þeir eru á svæðinu eða í nærsveitum. Sérstaklega eru foreldrar hvattir til að koma og taka unglingana sína með sér. Allir ættu að geta nýtt sér þær upplýsingar sem að fram koma.

Sjáumst þann 12. apríl klukkan 20:00 í Aratungu.

Auglýsing: Börn og snjalltæki

 

 

 

Please reload

Nýlegar fréttir
Please reload

Mánuðir 
Please reload

Kerhólsskóli leik- og grunnskóli á Borg í Grímsnes- og Grafningshreppi 801 Selfoss