Kerhólsskóli er Grænfánaskóli og fékk fánann fyrst afhentan

vorið 2012. Skólinn hafði þá verið Skóli á grænni grein frá því

í apríl 2011. 

29. maí 2018 fékk Kerhólsskóli afhentan Grænfánann í þriðja sinn.
Í tilefni þess komu ættingjar Halldóru Jónsdóttir eða Dóru á

Stærri-Bæ, skóræktarkonu, að afhjúpa minnisvarða um hana.

 

 

Umhverfissáttmáli Kerhólsskóla

Í Kerhólsskóla leggjum við áherslu á að lifa í sátt við umhverfi okkar.

  • Við göngum vel um náttúruna

  • Við förum sparlega með auðlindir náttúrunnar, flokkum og endurnýtum, drögum úr mengun og förum sparlega með pappír, vatn og rafmagn.

  • Við viljum upplifa náttúruna og njóta hennar í leik og í starfi.

Hvernig göngum við vel um náttúruna?

  • Hirðum vel um skólalóðina okkar og skóginn, t.d. með því að hreinsa rusl reglulega, laga göngustíga og grisja tré.

  • Göngum vel um allan gróður, ræktum upp sár sem myndast á lóðinni eða í skóginum eða kurlum í þau.

  • Umgöngumst fugla og önnur dýr, stór og smá, af nærgætni og virðingu.

Hvernig förum við sparlega með auðlindir náttúrunnar?

  • Nýtum allan pappír vel og flokkum þann sem við ekki nýtum.

  • Skolum allar fernur og komum þeim í endurvinnslu.

  • Söfnum rafhlöðum sem ekki eru fjölnota og komum þeim á móttökustaði.

  • Flokkum plast og spilliefni og komum á móttökustaði.

  • Göngum vel um húsgögn og búnað skólans svo hann megi endast sem best.

  • Hvetjum þá sem geta, til þess að labba eða hjóla í skólann.

  • Hvetjum alla til þess að láta ekki bílvélar ganga að óþörfu.

  • Slökkvum ljósin þegar þeirra er ekki þörf og einnig á öðrum raftækjum þegar að þau eru ekki í notkun.

Hvernig viljum við upplifa náttúruna og njóta hennar í leik og í starfi?

  • Við leikum okkur mikið í móanum og skóginum.

  • Við lærum að njóta þess sem náttúran gefur af sér með því að vera úti, læra úti og sækja efni út í náttúruna.

  • Okkur finnst nánasta umhverfi skólans jafn mikilvægur hluti af skólanum eins og kennslustofurnar okkar og námsgögnin.

  • Við förum í vettvangsferðir og rannsóknarleiðangra.

Grænfáninn

Kerhólsskóli leik- og grunnskóli á Borg í Grímsnes- og Grafningshreppi 801 Selfoss