Síðustu tvo kennsludagana fyrir jól erum við með jólastöðvar í Kerhólsskóla. Þar er boðið upp á fjórar mismunandi stöðvar með ýmsum jólaverkefnum; föndri, bakstri og jólalegum þrautum. Auk þessa fara allir saman í jólasund þar sem leysa þarf ýmis jólaverkefni.
Í fyrra var prófað að bæta heimsókn rithöfundar í jólastöðvar og gekk svo vel að það var endurtekið í ár. Sævar Helgi Bragason, Stjörnu-Sævar, kom til okkar og sagði okkur frá bókunum sínum og fræddi okkur um ýmis vísindi eins og risaeðlur, meltingakerfið og alheiminn.
