Veiga Dögg Magnúsdóttir • 16. nóvember 2026
Dagur íslenskrar tungu 16.nóvember
Nemendur í 1.–10. bekk í Kerhólsskóla fögnuðu degi íslenskrar tungu í dag, 16. nóvember, með fjölbreyttri dagskrá fyrir allan skólann.
Nemendur höfðu æft atriðin sín fyrir daginn og komu fram fyrir skólafélaga sína, leikskóladeild og starfsfólk. Á dagskránni voru lög, ljóð, vísur og ýmis önnur atriði sem nemendur höfðu undirbúið. Þannig fengu yngstu og elstu nemendur skólans að deila því sem þau höfðu æft og njóta þess að sjá hvað hinir bekkirnir höfðu tekið sér fyrir hendur.
Við þökkum nemendum fyrir skemmtilega dagskrá og fyrir að fagna íslenskunni með okkur í söng og upplestri.

