Skólahald vegna nýrra reglugerða

Kæru foreldrar,

Viðbragðsteymi sveitarfélagsins fundaði í dag með skólastjórnendum vegna nýrrar reglugerðar um takmörkun á skólastarfi vegna farsóttar.

Í kjölfarið tók viðbragðsteymið ákvörðun í samráði við stjórnendur og starfsmenn skólans um að hafa starfsdaga í grunnskóladeild næstu tvo daga (þriðjudag 3. nóvember og miðvikudag 4. nóvember).

Talin er þörf á að hafa tvo starfsdaga til að skipuleggja og fara í breytingar á húsnæði til að tryggja grunnskólabörnum sem mesta viðveru í skólanum.

Stærstu breytingarnar sem þarf að gera er að víxla húsnæði frístundar og kennslustofu miðstigs.

Það er áætlað að þessar breytingar á kennsluaðstöðu munu standa út skólaárið en ráðist er í þessar miklu breytingar til að hægt sé auðveldlega að skipta skólanum upp í hólf þegar þess gerist þörf.

Hvorki sund eða íþróttir eru leyfðar og verða fundin önnur verkefni í þeim tímum.

Leikskóladeildin er nú þegar nánast í sérhólfi og því þarf ekki að fara í miklar breytingar þar og því ekki talin þörf á skipulagsdegi í leikskóladeild.

Með breytingunum er skólanum skipt alveg í 3 hólf.

1. Leikskóli

a. Með óbreyttu sniði.

b. Starfsmenn og börn borða í leikskólarýminu.

c. Foreldrar þurfa að vera með grímu þegar þau koma með börnin á morgnana og þegar börnin eru sótt.

d. Einungis er heimilt að annað foreldrið komi með og/eða sæki barn. Eldri systkini mega ekki koma inn í leikskóladeild.

2. Yngsta stig (1.-4. bekkur)

a. Ganga inn á sínum stað (grunnskólainngang).

b. Borða í mötuneyti.

c. Frístund færist upp í miðrými og miðsstigskennslustofu.

d. Þegar börnin eru sótt í frístund þá þurfa foreldrar að hringja í síma: 480-5599 / 893-6800 og þá verða börnin send niður í andyri/út.

3. Mið- og elstastig (5.-10. bekkur)

a. Ganga inn um frístundarforstofu (bókasafnsinngangur).

b. Borða í mötuneyti en ganga inn um aðalinngang Félagsheimilis.

c. Kennsluaðstaða miðstigs verður í frístundarrými.

Yngsta stig og mið-og elstastig munu ekki borða á sama tíma.

GRÍMUSKYLDA er í skólabílum hjá ÖLLUM börnum. Foreldrar eru beðnir um að tala við börnin um mikilvægi grímunotkunar í skólabílnum.

Fyrir hönd viðbragðsteymisins, Ingibjörg Harðardóttir, sveitarstjóri

Fyrir hönd Kerhólsskóla, Jóna Björg Jónsdóttir, skólastjóri


Nýlegar fréttir
Mánuðir 

Kerhólsskóli leik- og grunnskóli á Borg í Grímsnes- og Grafningshreppi 805 Selfoss