kerholsskoli-is

Góður árangur Kerhólsskóla í Stóru upplestrarkeppninni

Thu, 30 Apr 2026 10:48:11 GMT

Stóra upplsetrarkeppnin

Öryggi í forgrunni þegar hjólin koma fram

Tue, 28 Apr 2026 08:50:14 GMT

Hjálmaskylda

Það gleður okkur mjög að sjá nemendur draga fram reiðhjólin sín nú þegar veturinn er að sleppa takinu og sumarið nálgast. Með aukinni hjólreiðanotkun viljum við leggja sérstaka áherslu á öryggi.

Í gær fengu nemendur í 1. og 2. bekk fræðslu frá skólahjúkrunarfræðingi um mikilvægi þess að nota hjálm við hjólreiðar. Samkvæmt íslenskum umferðarlögum er börnum yngri en 16 ára skylt að nota viðurkenndan reiðhjólahjálm við hjólreiðar . Hjálmanotkun er ein einfaldasta og árangursríkasta leiðin til að draga úr alvarlegum höfuðáverkum.

Mikilvægt fyrir foreldra að hafa í huga:

Hjálmur á að vera CE merktur og líftími hans er um 3 ár.
Hjálmur þarf að verja enni, hnakka, gagnaugu og koll. Eyrað á að vera í miðju V-laga banda og aðeins 1–2 fingur eiga að komast milli höku og bands.
Hjálmur þarf að vera í réttri stærð og sitja þétt svo hann veiti örugga vörn.
Ef hjálmur fær högg er hann ónýtur og þarf að skipta honum út.
Mikilvægt er að foreldrar séu góðar fyrirmyndir – fullorðnir ættu einnig að nota hjálm.
Munið að ung börn, sérstaklega um sex ára aldur, eru forvitin og eiga erfitt með að meta hraða og fjarlægð. Þau geta því auðveldlega misst athyglina í umferðinni.

Á heimasíðu Landsbjargar má finna góða fræðslu um hjólreiðar.

Með sameiginlegu átaki getum við stuðlað að auknu öryggi barna okkar á hjólum.

Plöntum sáð fyrir Bambahúsið

Wed, 22 Apr 2026 10:23:18 GMT

Grænir fingur í 1. og 2. bekk

Kerhólsskóli auglýsir eftir umsjónakennara á miðstigi

Thu, 16 Apr 2026 08:46:49 GMT

Laus staða umsjónakennara

Kerhólsskóli auglýsir eftir umsjónakennara á miðstigi fyrir skólaárið 2026-2027.

Nánari upplýsingar um starfið og skólann má finna hér.

Óvæntur gestur frá Spáni orðinn bekkjarstjarna í 1.-2. bekk

Wed, 15 Apr 2026 10:25:48 GMT

Lúlli bekkjarstjarna

Það vakti töluverða lukku í 1.–2. bekk þegar óvæntur farþegi fannst í káli sem hafði ferðast alla leið frá Spáni. Þar reyndist vera lítill snigill sem hefur nú fengið nafnið Lúlli – og hefur á skömmum tíma orðið að sannkölluðu bekkjargæludýri.

Vel er hugsað um Lúlla í skólastofunni, þar sem hann býr í sérútbúnu boxi með alls kyns skrauti og þægindum. Nemendur fylgjast spenntir með ævintýrum hans, enda er hann duglegur að kanna umhverfið sitt – stundum aðeins of duglegur, því hann reynir reglulega að skríða upp úr boxinu sínu.

Kennarar og nemendur eru þó sammála um að það sé betra fyrir Lúlla að halda sig inni, þar sem íslenski kuldinn væri líklega ekki góður fyrir þennan spænska ævintýramann.

Lúlli hefur því ekki bara ferðast langa leið heldur einnig fundið sér nýtt heimili og aðdáendur – og hver veit nema hann verði næsta stórstjarnan í Kerhólsskóla.

Nemendur í 1. bekk huga að Lúlla snigli

Skólahald fellur niður vegna veðurs

Wed, 25 Mar 2026 15:20:44 GMT

Appelsínugul viðvörun

Allt skólahald fellur niður á morgun, bæði í leikskóladeild og grunnskóldeild, vegna veðurs.

Veðurstofan hefur gefið út appelsínugula veður viðvörun með miklum vindi og úrkomu á morgun. Almannavarnir hafa gefið út tilmæli þar sem segir: Ef hægt er, verið sem minnst á ferðinni þar sem varasamt ferðaverður verður á stórum hluta landsins og veruleg hætta á foktjóni. Við höfum því ákveðið að fella niður skólahald á morgun fimmtudag.

Sjáumst á föstudaginn en það er síðasti starfsdagur skólans fyrir páskafrí. Skólinn opnar svo aftur að páskafrí þriðjudaginn 7. apríl.

Grenndarnám á Sólheimum

Thu, 29 Jan 2026 13:24:51 GMT

7.bekkur í grenndarnámi á Sólheimum

7.bekkur tekur nú þátt, líkt og undanfarin ár, í fjölbreyttu grenndarnámi á Sólheimum. Í hverjum útinámstíma yfir 5 vikna tímabil fara þau í heimsókn og taka þátt í starfinu. Þessi vinna er dýrmætur liður í skólastarfinu þar sem nemendur fá tækifæri til að kynnast nærumhverfi sínu, sögu og samfélagi á lifandi og skapandi hátt.

Nemendur byrjuðu á að fá fræðslu um sögu Sólheima og málefni fatlaðs fólks. Eftir það færðist fjörið yfir í hinar ýmsu vinnustofur þar sem sköpunargleðin ræður ríkjum og nemendur vinna fjölbreytt verkefni með íbúum og starfsfólki. Nemendur heimsækja trésmíðina, leirgerðina, listastofuna og leirgerðina.

Nemendur hafa fengið afar hlýjar mótttökur, þau hafa einnig verið til fyrirmyndar og hafa notið heimsóknanna mikið.

Jólakveðja

Wed, 24 Dec 2025 09:00:33 GMT

Gleðileg Jól

Við óskum nemendum, foreldrum og sveitungum öllum gleðilegra jóla og góðrar samveru í

Jólastöðvar

Thu, 18 Dec 2025 13:33:43 GMT

Föndur, jólasund og rithöfundur í heimsókn

Síðustu tvo kennsludagana fyrir jól erum við með jólastöðvar í Kerhólsskóla. Þar er boðið upp á fjórar mismunandi stöðvar með ýmsum jólaverkefnum; föndri, bakstri og jólalegum þrautum. Auk þessa fara allir saman í jólasund þar sem leysa þarf ýmis jólaverkefni.

Í fyrr var prófað að bæta heimsókn rithöfundar í jólastöðvar og gekk svo vel að það var endurtekið í ár og Sævar Helgi Bragason kom til okkar og sagði okkur frá bókunum sínum og fræddi okkur um

Grænfánaþemað þetta tímabil er orka

Tue, 16 Dec 2025 10:40:35 GMT

Nemendur kusu um nýtt þema

Skólinn fékk afhentan nýjan grænfána síðastliðið vor og því var komið að því að velja nýtt þema þetta haustið. Nemendur hafa nú kosið um þemað og fyrir valinu varð orka.

Nú fer af stað vinna í öllum bekkjum við að meta stöðuna hjá okkur og gera svo aðgerðaráætlun um það hvernig við vinnum að nýja þemanu.

Upplýsingar um grænfánaverkfnið má finna á heimsíðu verkefnisins graenfaninn.is

Jólaútinám í yndisskóginum

Thu, 11 Dec 2025 15:06:55 GMT

Gleði og gaman

Í útinámstíma vikunnar undirbjuggu nemendur á unglingastigi ratleik í Yndisskógi fyrir aðra nemendur skólans. Yngri nemendur fóru á milli stöðvar, gerðu verkefni og unnu sér inn verðlaun sem voru svo sett saman í bálskýlinu. Verðlaunin voru það sem þarf til að gera heitt kakó og svo mandarínur sem nemendur og starfsfólk gæddu sér í lok leiks.

Árleg jólahurðaskreyting í Kerhólsskóla

Mon, 08 Dec 2025 11:36:33 GMT

Margar flottar hurðir í skólanum

Árleg jólahurðakeppni skólans fór fram í síðustu viku og kepptust nemendur og starfsfólk við að skreyta hurðarnar sínar til að vekja gleði þeirra sem ganga um skólann og koma öllum í jólaskap. Að keppni lokinnni gekk dómnefnd um skólann og viðurkenningar í ýmsum flokkum voru veittar fyrir hurðarnar. Í lok dags er það þó vinnan við hurðarnar og allar þessar skemmtilegu og fallegu hurðar sem prýða skólann sem skipta mestu máli.

Bamba gróðurhús að gjöf

Wed, 03 Dec 2025 15:55:20 GMT

Styrkur frá Krónunni

Í haust fékk Kerhólsskóli styrk frá Krónunni til að kaupa Bambahús (gróðurhús). Húsið var sett upp við skólann núna í vikunni og nemendur og starfsfólk fögnuðu því í útinámstíma með því að koma saman, syngja tvö lög og klippa á borða áður en allir fengu að skoða húsið að innan.

Það hefur lengi verið talað um að fá gróðurhús við skólann þannig að það má segja að langþráður draumur hafi ræst með þessum styrk.

Kerhólsskóli leggur áherslu á útikennslu og heilsueflingu í sínu námi, bæði á leik- og grunnskólastigi, þannig að húsið er tilvalin viðbót í það nám.

Það verður spennandi að sjá hvað verður ræktað fyrst í húsinu.

Kveikt á jólatréinu

Fri, 28 Nov 2025 12:03:24 GMT

This is a subtitle for your new post

Í dag var kveikt á jólatréinu á torginu á Borg. Nemendur og starfsfólk söng nokkur jólalög og dansaði í kringum tréið áður en allir fengu heitan kakóbolla í kuldanum. Eftir það settu nemendur jólaljóst í stofurnar sínar og nú erum við tilbúin í aðventuna sem byrjar á sunnudaginn.

Snemmtæk íhlutun

Mon, 24 Nov 2025 13:27:25 GMT

Handbók leikskóladeildar Kerhólsskóla um snemmtæka íhlutun í málþroska og læsi

Kerhólsskóli tók nýverið þátt í afar þýðingarmiklu og metnaðarfullu samstarfsverkefni sem markaði tímamót í faglegu starfi skólans. Verkefnið var unnið í nánu samstarfi við Skólaþjónustu Árnesþings og Miðstöð menntunar og skólaþjónustu (MMS). Afrakstur þessarar vinnu var útgáfa á handbók um snemmtæka íhlutun í málþroska og læsi í leikskóladeild skólans.

Meginmarkmið verkefnisins og handbókarinnar var að skerpa á áherslum í skólastarfinu og tryggja gæði menntunar yngstu nemendanna. Sérstök áhersla var lögð á snemmtæka íhlutun, málþroska og læsi. Með tilkomu handbókarinnar var tryggt að faglegt starf leikskóladeildarinnar byggði á traustum grunni og nýjustu þekkingu. Þetta gerði starfsfólki kleift að grípa fyrr inn í og styðja markvisst við börnin á þessu mikilvæga þroskaskeiði.

Samstarfið við sérfræðinga skólaþjónustunnar og MMS reyndist farsælt og ánægjulegt. Handbókin þjónar okkur sem vegvísir fyrir starfsfólk og var mikilvægt verkfæri til að auka gæði náms og leiks í daglegu starfi.

Það var mikið fagnaðarefni fyrir skólasamfélagið þegar handbókin var tilbúin til notkunar. Með henni var stigið stórt skref í að efla mál- og læsisumhverfi barnanna í Kerhólsskóla, foreldrum og nemendum til heilla. Ljóst var að verkefnið skilaði varanlegum ávinningi og styrkti stoðir skólans til framtíðar.

Handbókina má finna hér

Árshátíð Kerhólsskóla

Fri, 21 Nov 2025 14:01:53 GMT

Vel heppnuð árshátíð

Árshátíð skólans fór fram síðastliðin þriðjudag og var sýningin að hluta til afrakstur þemavinnu tengdri hafinu sem hefur farið fram í allt haust. Nemendur sýndu dans, fluttu ljóð og sungu á sviðinu og svo var sýning á verkum nemenda í skólanum.

Að sýningu lokinni voru svo veitingar í boði foreldrafélagsins.

First LEGO league

Wed, 12 Nov 2025 13:27:12 GMT

Þátttaka Kraftbolta í FIRST LEGO League 2025

Þann 8. nóvember síðast liðinn fór fram tuttugsta FIRST LEGO League keppnin í Háskólabíó. Þar mætti til leiks liðið Kraftboltar frá Kerhólsskóla. Þetta er í fjórða skiptið sem nemendur úr Kerhólsskóla taka þátt. Að þessu sinni var hópurinn skipaður nemendum í 8. bekk.

FIRST LEGO League keppninni er ætlað að vekja áhuga á uppgötvunum, vísindum og tækni og um leið efla færni og lausnamiðaða hugsun hjá grunnskólanemendum.

Keppning byggir á spennandi verkefnum sem stuðla að nýsköpun, byggja upp sjálfstraust og efla samvinnu- og samskiptahæfni.

Á hverju ári er unnið út frá þema sem felur í sér áskoranir sem sóttar eru í Heimsmarkmið Sameinuðu þjóðanna. Þemað í ár var „Uppgröftur“ og tengdust verkefnin því fornleifafræði, menningu og sögu.

Veitt eru verðlaun fyrir fjóra ólíka þætti; þrautalausnir á keppnisborði þar sem þjarkar leysa þrautirnar, nýsköpunarverkefni, hönnun og forritun og fyrir góða liðsheild þar sem teymisvinna og þátttaka alls liðsins er metin í öllum verkefnum keppninnar.

Kraftboltar stóðu sig með miklum sóma, kynntu nýsköpunarverkefnið sitt Finn sem er aðstoðarmenni fyrir fornleifafræðinga og keyrðu þjarkinn sinn af miklu kappi. Liðið sýndi frábæra teymisvinnu þar sem allir lögðu sitt að mörkum og uppskáru önnur verðlaun fyrir liðsheild.

Dagur gegn einelti

Tue, 11 Nov 2025 10:24:27 GMT

Staðið gegn einelti

Alþjóðlegur dagur gegn einelti er þann 8.nóvember ár hvert. Markmið dagsins er að efna til umræðu, fræðslu og viðburða sem miða að því að vinna gegn einelti, hvetja til jákvæðra samskipta og efla vináttu. Dagurinn er þannig helgaður baráttunni gegn einelti í skólum landsins og er mikilvægt tækifæri til að minna á sameiginlega ábyrgð okkar allra til að stuðla að öruggu og jákvæðu skólaumhverfi.

Í Kerhólsskóla nýttum við mánudaginn 10. nóvember til að fræða og ræða um einelti og héldum svo hefðina sem er að standa gegn einelti. Þá stendur allir skólinn saman í hring og skólabjallan er látin ganga hringinn og allir fá að hringja bjöllunni.

Gönguskíði

Tue, 04 Nov 2025 10:55:23 GMT

7. bekkur prófar gönguskíðin

Sveitarfélagið og Ungmennafélagið Hvöt hafa fest kaup á gönguskíðum sem hægt er að nota í skólanum og öðru skipulögðu starfi með í sveitarfélaginu. Þegar snjóaði í síðustu viku þannig að hægt var að gera gönguskíðaspor fengu nemendur í 7. bekk að prófa búnaðinn og skemmtu sér vel við það

Sinfóníuhljómsveit Suðurlands

Wed, 24 Sep 2025 10:35:33 GMT

Öll sem eitt

Sinfóníuhljómsveit Suðurlands héldu skólatónleika fyrir nemendur Uppsveita í 1.-4. bekk. Tónleikarnir fóru fram í Félagsheimilinu á Borg og komu nemendur úr Bláskógaskóla, Reykholtsskóla, Flúðaskóla og Þjórsárskóla ásamt nemendum úr Kerhólsskóla.

Yfirskrift tónleikanna var "Öll sem eitt" og vísar til mikilvægi þess að við sýnum samkennd og umburðarlyndi. Tónleikagestir áttu að velta fyrir sér hvernig við getum gert heiminn betri og hvernig við eflum vináttu og skilning milli fólks.

Gunnar Helgason og Felix Bergsson fluttu lög með Sinfóníuhljómsveitinni og vöktu mikla lukku.

Nemendur voru virkir þátttakendur í tónlistarflutningnum og sungu með hljómsveitinni lög sem þau voru búin að æfa í skólunum.

Nemendurnir stóðu sig virkilega vel og fengu sérstakt hrós frá flytjendum eftir tónleikana.

Aðalfundur foreldrafélagsins og opinn skólaráðsfundur

Tue, 16 Sep 2025 08:33:41 GMT

Aðalfundur foreldrafélagsins og opinn skólaráðsfundur

Opinn skólaráðsfundur og aðalfundur Foreldrafélags Kerhólsskóla verða haldnir í Félagsheimilinu á Borg miðvikudagskvöldið 24. september.

Foreldrum er boðið í súpu kl. 18.15, Opinn skólaráðsfundurinn hefst kl. 18.30 og að lokum aðalfundur Foreldrafélags sem við gerum ráð fyrir að hefjist kl. 19.15

Á dagskrá skólaráðsfundarins eru; kynning á skólastarfinu í vetur, kynning á innramatsskýrslu síðasta vetrar og umbætur tengdar henni, kynning á teams umhverfi fyrir nemendur og svo að lokum kynning á verkefninu snemmbær íhlutun í leikskólanum.

Á dagskrá aðalfundarins foreldrafélagsins eru hefðbundin aðalfundarstörf, þar á meðal kosning nýrra fulltrúa í stjórn.

Við hvetjum forráðamenn til að fjölmenna á aðalfundinn. Gott samstarf og samráð á milli foreldra og skóla er mjög mikilvægt fyrir velferð nemenda og gefur þátttaka forráðamanna aukið tækifæri til að hafa áhrif á skólastarfið og kynnast því betur.

Sjáumst á fundunum,
Stjórn Foreldrafélags Kerhólsskóla
Stjórnendur Kerhólsskóla

Fjöruferðir

Fri, 12 Sep 2025 09:27:43 GMT

Ævintýraleg fjöruferð - "Flæði" og fjara

Glatt var á hjalla þegar tveir elstu árgangar leikskólans ásamt nemendum úr 1. og 2. bekk lögðu af stað í spennandi fjöruferð að Stokkseyrarfjöru á dögunum. Börnin voru full tilhlökkunar þegar þau stigu út úr rútunni og fundu ferska sjávarloftið streyma um andlit sín. Veðrið var með eindæmum gott og var haft orð á því að ferðin minnti helst á strandarferð á suðrænum slóðum frekar en íslenskan pollagallaviðburð.

Undir handleiðslu kennara og starfsfólks dreifðu nemendurnir sér um fjöruna og hófu spennandi leit að fjársjóðum náttúrunnar. Börnin fengu frjálsar hendur með að sulla, veiða smádýr í háfa, leika sér í sandinum eða elta önnur viðfangsefni sem heilluðu þau í fjörunni.

Ekki leið á löngu þar til fyrstu uppgötvanirnar voru gerðar. "Ég fann krabba!" hljómaði gleðihróp frá einum nemandanum, sem vakti mikla athygli hjá félögunum sem þustu að til að skoða fundinn.

Fjaran reyndist sannkallað náttúrulegt kennslurými þar sem börnin fundu fjölbreytt sjávardýr og skeljar. Kuðungar í öllum stærðum og gerðum vöktu sérstaka athygli og urðu tilefni til fróðlegra umræðna um lífríki sjávar. Kennararnir nýttu tækifærið vel og tengdu uppgötvanirnar við námsefnið, sem gerði upplifunina bæði skemmtilega og lærdómsríka.

Börnin söfnuðu í fötur sínar ýmsum náttúrugersemum sem þau fundu í fjörunni. Marglitir steinar, skrautlegir kuðungar og áhugaverðar skeljar rötuðu í söfnin þeirra. Sérstaka lukku vakti þegar hópurinn fann lifandi krabba sem var varlega skoðaður áður en honum var sleppt aftur út í sjó.

Bæði stórir sem smáir gleymdu stund og stað og duttu í algert flæði í flæðarmálinu, svo mjög að fólk trúði því ekki þegar tíminn var hlaupinn frá okkur og við þurftum að fara að halda aftur heim á leið. Nestið, sem hafði alveg gleymst, var gleypt með hraði og rútan hlaðin af fötum fullum af kröbbum, skeljum og öðrum fjörufjarsjóð sem rannsaka skyldi betur heima.

Að ferð lokinni voru börnin sammála um að þetta hefði verið einstaklega skemmtileg og fræðandi upplifun. Kennararnir sáu strax tækifæri til að vinna áfram með efnivið og upplifanir dagsins í kennslustofunni, þar sem börnin gætu unnið verkefni tengd fjörunni og lífríki sjávar.

Takk fyrir fjörið fjara!

Nemendur í 3.-10. bekk áttu eftirminnilega útinámsferð í fjörunni um daginn þegar þeir tóku þátt í fjölbreyttri náttúruskoðun og spennandi sandkastalakeppni. Veðrið lék við okkur með sól og blíðu sem gerði daginn enn ánægjulegri.

Nemendum var skipt í aldursblandaða hópa; Hrúðurkarlar, Bóluþang, Landselir, Dílaskarfar, Hörpuskeljar og Marflær; og fengu sérstök "fjöruvegabréf" til að safna stimplum á sex mismunandi stöðvum meðfram náttúrustígnum í fjörunni.

Gleðidagur í fjörunni - Náttúrustígur og sandkastalakeppni hjá 3.-10. bekk

Á fyrstu stöðinni framkvæmdu nemendur ýmsar mælingar, þar á meðal sýrustig sjávar, önnur stöð var tileinkuð smádýralífi, á þriðju stöðinni söfnuðu nemendur kuðungum og skeljum og lærðu að greina ólíkar tegundir. Fuglaskoðun var í fyrirrúmi á fjórðu stöðinni þar sem nemendur fylgdust með fjörufuglum í gegnum sjónauka og skráðu niður tegundirnar sem þeir sáu. Fimmta stöðin fól í sér að kanna aðskotahluti í fjörunni og ræða um umhverfisvernd, en á þeirri síðustu rannsökuðu nemendur plöntur og fléttur sem þrífast í fjörunni.

Að því loknu settust allir niður í sólinni og gæddu sér á nesti.

Í lokin var haldin spennandi sandkastalakeppni þar sem hóparnir sýndu ótrúlega hugmyndaauðgi og samvinnu. Veitt var viðurkenning fyrir flottasta kastalann og svo frumlegustu hugmyndina.

Þetta var einstaklega vel heppnaður dagur þar sem við tengdum saman útikennslu, náttúrufræði og félagsfærni. Það var sérlega ánægjulegt að sjá eldri nemendur leiðbeina þeim yngri og einnig hversu margir gleymdu sér í "fjársjóðsleit" í rannsóknum á lífríkinu.

Breytingar á leikskólakerfi í Kerhólsskóla skólaárið 2025-2026

irisg@kerholsskoli.is (Íris Gunnarsdóttir) — Tue, 10 Jun 2025 11:28:58 GMT

Skráningardagar

Undanfarin ár hefur leikskólakerfið staðið frammi fyrir vanda sem felur í sér fækkun á faglærðu starfsfólki, aukinn frítökurétt og styttingu vinnuvikunnar. Þessi vandi bitnar á faglegu starfi og starfsþróun leikskólans og undarnfarin skólaár höfum við verið alltof oft á mörkum þess að virkja fáliðunaráætlunina hjá okkur sem hefur það í för með sér að börn þurfa að fara heim með litlum fyrirvara sem getur komið foreldrum mjög illa.

Eins og staðan hefur verið hjá okkur hefur alltaf vantað einn starfsmann á hverjum degi vegna styttingar vinnuvikunnar og ef veikindi bætast ofan á leiðir það til þess að álagið eykst á þá sem eftir eru sem getur leitt til lengri veikinda og viljum við reyna að sporna við því.

Því hefur verið ákveðið að á næsta skólaári verða breytingar á leikskólakerfinu þessar:

Lokað verður í jólafríinu 22. desember, 23. desember, 29. desember og 30. desember. Það eru 4 dagar og gjöldin verða felld niður þessa daga og þeir nýttir sem styttingardagar fyrir starfsfólk. Lokað hefur verið í jólafríinu síðustu tvö ár þar sem ekki hefur verið nægur fjöldi barna skráður í leikskólann.

Skráningardagar verða í vetrarfríum og dymbilviku. Núna mun 20% barna þurfa að vera skráð í leikskólann svo hann haldist opinn á þessum dögum en ekki 3 börn eins og hefur verið.

Gjöldin verða felld niður ef börnin skrá sig ekki þessa daga.

Sumarfríð verður 6 vikur. Við lokum 27. júní kl. 14:00 og opnum aftur 11. ágúst kl. 10:00.

Leikskólinn mun loka alla föstudaga klukkan 14:00. Leikskólagjöldin munu því lækka um þessa tvo tíma á viku.

Þessar breytingar voru samþykktar af sveitarstjórn miðvikudaginn 7.maí og vonum við að þetta munu skila betri vinnumhverfi og auknu faglegu starfi sem mun skila sér í aukinni vellíðan barnanna sem er mikilvægast.

Skóladagatalið fyrir leikskólann fylgir í viðhengi.

Með von um skilning, vinsemd og virðingu.

Sigrún og Sigga.

Nýsköpunarkeppni grunnskólanna

irisg@kerholsskoli.is (Íris Gunnarsdóttir) — Tue, 27 May 2025 11:10:12 GMT

Nýsköpunarkeppni grunnskólanna (NKG)

NKG er hugmyndasamkeppni fyrir nemendur í 5. - 7. bekk á vegum Menntavísindasviðs Háskóla Íslands. Undirbúningur fyrir keppnina fer fram í skólum landsins þar sem nemendur þróa verkefni frá hugmyndum til veruleika.

24 nýsköpunarhugmyndir komust í úrslit Nýsköpunarkeppni grunnskóla 2025 en alls bárust yfir 600 hugmyndir víðs vegar að af landinu. Þeir nemendur sem komust í úrslit tóku þátt í vinnustofum þar sem þeir fengu leiðsögn frá kennurum og nemendum frá Háskóla Íslands og Háskólanum í Reykjavík, auk þess sem JCI hélt ræðunámskeið til að undirbúa kynningu á hugmyndunum.

Tilgangur og markmið NKG

Virkja sköpunarkraft barna í landinu
Gera börnum grein fyrir sköpunargáfu sinni og þroska hana í gegnum vinnu með eigin hugmyndir
Efla og þroska frumkvæði þátttakenda í NKG og styrkja þannig sjálfsmynd þeirra
Efla nýsköpunarstarf í grunnskólum og vekja athygli á hugviti barna í skólum og atvinnulífi

Nemendur Kerhólsskóla áttu tvær hugmyndir í úrslitunum.

Harpa Jakobsdóttir og Helgi Valur Jónsson komust í úrslit með Incredabúr sem er ferðabúr fyrir hunda sem eykur öryggi þeirra í bílum í tilfelli bílveltna og ofhitnunar.

Tinna Sif Þorkelsdóttir og Þórhildur Salka Jónsdóttir komust í úrslit með kafbátinn Trolla sem er hannaður til að týna upp fjölbreytt rusl af hafsbotni.

Harpa og Helgi Valur hlutu tæknibikar Pauls Jóhannssonar með hugmynd sína Incredabúr.

Lokahátíð Stóru upplestrarkeppninnar

irisg@kerholsskoli.is (Íris Gunnarsdóttir) — Fri, 16 May 2025 14:57:10 GMT

Stóra upplestrarkeppnin í skólum Árnesþings

Lokahátíð Stóru upplestrarkeppninnar í Árnesþingi var á Flúðum 14. maí sl. Kerhólsskóli, Bláskógaskóli Laugarvatni, Reykholtsskóli, Flúðaskóli, Þjórsárskóli og Flóaskóli sendu fulltrúa úr 7. bekkjum í keppnina þar sem keppt er í upplestri.

Í 1. sæti var Harpa Jakobsdóttir úr Kerhólsskóla, í 2. sæti var Andri Fannar Smárason einnig úr Kerhólsskóla og í 3. sæti var Stígur úr Flúðaskóla.

Nemendur 7. bekkjar Kerhólsskóla með Rebekku umsjónarkennara

Skólahreysti

irisg@kerholsskoli.is (Íris Gunnarsdóttir) — Thu, 08 May 2025 09:04:42 GMT

Skólahreystislið Bláskógaskóla og Kerhólsskóla

Í Skólahreysti keppa nemendur í grunnskólum landsins sín á milli í hinum ýmsu greinum sem reyna á kraft, styrk og þol keppenda. Keppt er í upphífingum, dýfum, armbeygjum, hreystigreipi og hraðaþraut.

Kerhólsskóli og Bláskógaskóli kepptu í gær í Skólahreysti með sameiginlegt lið eins og í fyrra.

Frá Kerhólsskóla voru þau Hrafnhildur Sigurðardóttir og Cheikh Abdou Kadre Diop í hraðaþraut og Kjartan Guðjónsson Beacker í upphífingum og dýfum. Frá Bláskógaskóla voru Freydís í armbeygjum og hreystigreypi og Lovísa og Kári varamenn fyrir liðið.

Keppendur stóðu sig mjög vel, að keppni lokinni fóru nemendur unglingadeildar í báðum skólunum og borðuðu pítsur saman.

Stóra upplestrarhátíðin

irisg@kerholsskoli.is (Íris Gunnarsdóttir) — Thu, 08 May 2025 09:03:42 GMT

Stóra upplestrarhátíðin

Innanskólakeppni í Stóru upplestrarhátíðinni fór fram um daginn. Nemendur í 7. bekk tóku þátt og heppnaðist hún mjög vel.

Dómarar voru Anna Margrét Sigurðardóttir, Hallbjörn V. Fríðhólm Rúnarsson og Ragna Björnsdóttir.

Stóra upplestrarhátíðin verður miðvikudaginn 14. maí kl. 13-15 í Félagsheimili Hrunamanna á Flúðum, þar keppa skólar uppsveitanna sín á milli.

Andri Fannar Smárason og Heiðbjört Anna Árnadóttir munu keppa fyrir hönd Kerhólsskóla og Harpa Jakobsdóttir er varamaður.

Nýsköpunarkeppni grunnskólanna

irisg@kerholsskoli.is (Íris Gunnarsdóttir) — Wed, 30 Apr 2025 09:23:38 GMT

Fulltrúar Kerhólsskóla

Nemendur miðstigs hafa lagt stund á nýsköpunarmennt í vetur og sendu nokkrar flottar hugmyndir inn í Nýsköpunarkeppni grunnskólanna.

Alls bárust keppninni 600 umsóknir víðsvegar af landinu og úr þeim voru valdar 24 hugmyndir sem komast í lokakeppnina núna í maí. Við í Kerhólsskóla eigum tvær hugmyndir þar á meðal og erum ótrúlega stolt af flotta uppfinningafólkinu okkar!

Harpa Jakobsdóttir og Helgi Valur Jónsson munu keppa með ferðabúr fyrir hunda, ,,Incredabúr“, sem eykur öryggi hunda í bílum til muna.

Tinna Sif Þorkelsdóttir og Þórhildur Salka Jónsdóttir keppa svo með kafbátinn Trolla sem er hannaður til að tína upp fjölbreytt rusl af hafsbotni.

Við hlökkum til að fylgjast með þessum frábæru krökkum á nýjum og spennandi vettvangi.

Páskabingó unglingadeildar

irisg@kerholsskoli.is (Íris Gunnarsdóttir) — Wed, 26 Mar 2025 09:25:15 GMT

Fjáröflun fyrir unglingastig Kerhólsskóla

Unglingadeild Kerhólsskóla er með páskabingó í Félagsheimilinu Borg laugardaginn 12. apríl nk. kl. 15:00

Aðgangseyri er 1000 kr. á mann, innifalið er eitt spjald, aukaspjöld kosta 500 kr. Innifalið í miðaverði eru kaffi og kökur.

Allur ágóði rennur í ferðasjóð unglingastigs Kerhólsskóla

Vonandi sjáum við sem flest

Ný heimasíða

irisg@kerholsskoli.is (Íris Gunnarsdóttir) — Tue, 04 Mar 2025 09:21:34 GMT

Ný heimasíða í loftið

Ný heimasíða Kerhólsskóla er komin í loftið.

Við biðjumst velvirðingar á því að það vantar ýmislegt inn á síðuna. Síðan er í vinnslu og við munum setja efni inn á hana eftir fremsta megni.

Öllum er velkomið að hafa samband við skólann í gegnum tölvupóst kerholsskoli@kerholsskoli.is eða í síma 480-5520

Nemendaþing í Kerhólsskóla

irisg@kerholsskoli.is (Íris Gunnarsdóttir) — Mon, 17 Feb 2025 11:34:35 GMT

Nemendaþing í Kerhólsskóla

Nemendaþing Kerhólsskóla var haldið í tengslum við skólaþing sveitarfélagsins sem haldið verður 27. febrúar nk. kl. 18:00.

Markmið nemendaþingsins var að fá álit og hugmyndir nemenda inn í vinnu við framtíðarsýn skólans, nýja skólanámskrá sem á að endurskoða á þessu ári og skólastefnu sveitarfélagsins sem á að endurskoða á næsta ári.

Það skiptir okkur sem skólasamfélag máli að nemendur fái að segja sína skoðun á málefnum sem snúa að þeim og með nemendaþinginu bjuggum við til vettvang fyrir þá til að tjá sig.

Nemendur grunnskólans söfnuðust saman í matsal skólans, þeim raðað í 7 hópa þvert á aldur. Umræðuefni hópanna voru: draumaskólinn í framtíðinni, skólahúsnæðið, tölvu- og tækjakostur skólans og útinám í Kerhólsskóla.

Deildarstjóri grunnskóladeildar sá um að taka saman punktana af þinginu og verður áfram unnið með þá eftir skólaþing.

Hér eru nokkrar myndir frá nemendaþingi.

Kerhólsskóli LOKAÐUR vegna óveðurs 6. febrúar

irisg@kerholsskoli.is (Íris Gunnarsdóttir) — Wed, 05 Feb 2025 11:29:46 GMT

Kerhólsskóli verður LOKAÐUR á morgun 6. febrúar 2025 vegna óveðurs.

Hér fyrir neðan er tilkynning frá sveitarstjóra.

"Appelsínugular og rauðar viðvarandi hafa verið gefnar út vegna roks eða ofsaveðurs á Suðurlandi á morgun, fimmtudaginn 6. febrúar. Viðvaranir taka gildi kl. 06:00 og falla úr gildi kl. 13:00. Þá hefur hættustigi almannavarna verið lýst yfir frá kl. 15 í dag, miðvikudag og gildir það þar til veðrið gengur niður á morgun.

Af þeim sökum verður röskun verður röskun á starfsemi í Grímsnes- og Grafningshrepp sem hér segir fimmtudaginn 6. febrúar:

Kerhólsskóli (leik- og grunnskóli) og frístund verða lokuð allan daginn.
Íþróttahús og sundlaug verða lokuð.
Skrifstofa Grímsnes- og Grafningshrepps verður lokuð.

Björgunarsveitir eru í viðbragðsstöðu. Hringja skal í 112 ef þörf er á aðstoð."

Skólinn opnar aftur, samkvæmt stundaskrá, föstudaginn 7. febrúar.

Gjöf frá Kvenfélagi Grímsneshrepps

irisg@kerholsskoli.is (Íris Gunnarsdóttir) — Tue, 04 Feb 2025 13:22:19 GMT

Kvenfélag Grímsneshrepps gaf Kerhólsskóla gjöf í morgun.

Kvenfélagskonurnar Sigríður Björnsdóttir, Sandra Gunnarsdóttir formaður og María Hilmarsdóttir stjórnarkona afhentu unglingastigi gjöfina í valtímanum Hönnun og sköpun.

Gjöfin er Cricut-skeri, pressur, verkfæri og vínilrúllur af ýmsum gerðum. Gjöfin mun nýtast vel í list- og verkgreinakennslu því Cricut sker meðal annars vínylfilmur, textílefni, leður, pappír og basalvið. Einnig teiknar hann, skrifar og býr til brotalínur fyrir t.d. origami og kort.

Við í Kerhólsskóla þökkum Kvenfélagi Grímsneshrepp kærlega fyrir rausnarlega gjöf sem mun nýtast okkur vel.

7. bekkur keppir í First Lego League um helgina

irisg@kerholsskoli.is (Íris Gunnarsdóttir) — Fri, 15 Nov 2024 10:16:37 GMT

Nemendur 7. bekkjar ásamt Rögnu keppa í First Lego League Ísland 2024 16. nóvember í Háskólabíó.

First Lego League keppnin miðar að því að vekja áhuga á uppgötvunum, vísindum og tækni og um leið efla færni og lausnamiðaða hugsun hjá grunnskólanemendum á aldrinum 10-16 ára.

Þema ársins 2024 er "NEÐANSJÁVAR" þar sem liðin nota skapandi hugsun og vísindi til að kanna lög hafsins og koma hugmyndum sínum og lærdómi upp á yfirborðið.

Lið Kerhólsskóla heitir Kraftboltar

Við hvetjum ykkur til að fylgjast með keppninni annað hvort í Háskólabíó eða í gegnum hlekkinn á streymi: https://vimeo.com/event/4717869/embed/4f4dd36ad9

Árshátíðarundirbúningur

irisg@kerholsskoli.is (Íris Gunnarsdóttir) — Tue, 12 Nov 2024 10:08:12 GMT

Árshátíð Kerhólsskóla verður fimmtudaginn 12. nóv. nk. og undirbúningur fyrir hana er í fullum gangi.

Nemendur grunnskólans ásamt elsta árgangi leikskólans sýna Emil í Kattholti.

Generalprufa verður á morgun og er leikskóladeildinni og íbúum Sólheima boðið.

Hér eru nokkrar myndir frá æfingunni í dag

Dagur gegn einelti 8. nóv

Mon, 11 Nov 2024 09:49:48 GMT

Dagur gegn einelti er 8. nóvember og Kerhólsskóli sýndi samstöðu gegn einelti.

Markmið dagsins er að skapa umræðu og veita fræðslu til þess að vinna gegn einelti. Þannig er stuðlað að jákvæðum samskiptum og vinátta efld.

Að því tilefni útbjuggu nemendur leik- og grunnskóla Kerhólsskóla hjarta með jákvæðum setningum. Að því loknu fóru allir út á torgið fyrir framan skólann og mynduðu mannlegt hjarta. Skólabjallan var látin ganga á milli og hver og einn hringdi bjöllunni. Það var til marks um það að viðkomandi ætlar að koma fallega fram við alla, bæði börn og fullorðna.

Samskiptateymi Kerhólsskóla

Árshátíð Kerhólsskóla 14. nóv. kl. 14:30

Fri, 08 Nov 2024 09:49:48 GMT

Árshátíð Kerhólsskóla verður 14. nóvember kl. 14:30 í Félagsheimilinu Borg.

Stórglæsileg sýning sem enginn ætti að láta framhjá sér fara.

Hrekkjavöku grímuball kvenfélagsins

Sun, 27 Oct 2024 09:49:48 GMT

Grímuball Kvenfélags Grímsneshrepps verður 30. október kl. 18-20 í tilefni af hrekkjavökunni.

Við hvetjum öll áhugasöm að mæta