Vinnan við þróunarverkefnið „ Til móts við náttúruna“ hófst veturinn 2009-2010 með vinnu starfshópsins sem fjallaði um útiskóla og umhverfismennt. Henni hefur síðan verið framhaldið af krafti frá þeim tíma. Verkefnisstjórn, frá því ágúst 2010, hefur verið í höndum Rögnu Björnsdóttur grunnskólakennara við Kerhólsskóla en ráðgjafi hefur verið Ingvar Sigurgeirsson prófessor við Menntavísindasvið H.Í. Hann hefur leiðbeint verkefnisstjóra og hugmyndir starfsmannahópsins hafa verið bornar undir hann.
Meginmarkmið verkefnisins „Til móts við náttúruna“ er að halda áfram að auka fjölbreyttni í námi og kennsluháttum með áherslu á umhverfismennt, list- og verkgreinar.
Unnið verður að eftirfarandi þáttum:
1) Að nýta náttúruna til útináms og listsköpunar.
2) Að efla tengsl skólans við nærsamfélagið á sviði
umhverfismenntar og grenndarnáms.
3) Að hljóta Grænfánann.
Áætlaður afrakstur verkefnisins er rit um útinám, útinámssvæði og grenndarskóg Kerhólsskóla.
Hér má sjá áfangaskýrslu verkefnisins:
Til móts við náttúruna – áfangaskýrsla, desember 2010
Til móts við náttúruna – áfangaskýrsla, janúar 2012