Heimasíða Grímsnes- og Grafningshrepps

Viðburðir

nóvember 2017
Sunnudagur Mánudagur Þriðjudagur Miðvikudagur Fimmtudagur Föstudagur Laugardagur
29. október 2017 30. október 2017 31. október 2017 1. nóvember 2017 2. nóvember 2017 3. nóvember 2017 4. nóvember 2017
5. nóvember 2017 6. nóvember 2017 7. nóvember 2017 8. nóvember 2017 9. nóvember 2017 10. nóvember 2017 11. nóvember 2017
12. nóvember 2017 13. nóvember 2017 14. nóvember 2017 15. nóvember 2017 16. nóvember 2017 17. nóvember 2017 18. nóvember 2017
19. nóvember 2017 20. nóvember 2017 21. nóvember 2017 22. nóvember 2017 23. nóvember 2017 24. nóvember 2017 25. nóvember 2017
26. nóvember 2017 27. nóvember 2017 28. nóvember 2017 29. nóvember 2017 30. nóvember 2017 1. desember 2017 2. desember 2017

Lestrarstefna

Hópur starfsmanna vann að því að móta lestrarstefnu skólans veturinn 2009-2010.  Það var þarft mál því lestrarfærni er mikilvægur þáttur þegar kemur að því hvernig nemanda tekst að nýta sér námið sem fram fer í skólanum.  Lestur er einnig vítt hugtak og margt sem fellur þar undir af námskrá hvers skóla.  Aðalmarkmið lestrarstefnunnar sem nú eru höfð að leiðarljósi eru: skýr markmið í kennslunni, gott aðhald fyrir alla sem að kennslunni koma og að hún lýsi æskilegri lestrarfærni nemandans í gegnum alla skólagönguna.

Seint verður það ofsagt að  lestrarþjálfun og góð lestrargeta eru mikilvæg í námi barna og ungmenna. Við í Kerhólsskóla teljum því mikilvægt að setja þá þjálfun í markvissan farveg til að styðja kennara skólans, nemendur og foreldra í því starfi. Þjálfunin á að vera sameiginlegt verkefni skóla og heimilis og áherslur í takt við stöðu nemandans hverju sinni.

Heimalestur á að eiga sér stað fyrir fullorðinn aðila og farið er fram á að lesið sé í 10 – 15 mínútur í hvert sinn.  Kvittunarhefti munu fylgja lestrarbókunum þar sem foreldrum eða fullorðnum aðila er gert að kvitta fyrir heimalesturinn. Þeir nemendur og foreldrar sem standa sig vel fá sýnilega umbun í kvittunarheftið.

Viðmið fyrir ástundun eru skráð fyrir hvern mánuð og gefin einkunn sem birt er í námsmati. Tekið verður tillit til þeirra mánuða sem eru styttri í skólasókn eins og desember og páskamánuðurinn. Þá munu kennarar einnig kvitta fyrir í sömu hefti í hvert sinn sem nemandi les fyrir hann. Heftið skal því fylgja nemandanum bæði heim og í skóla.

Lestrarstefnu skólans í heild sinni er að finna í skýrslunni; Fjölbreyttir kennsluhættir í einstaklingsmiðaðri kennslu, sem var gefin út í desember 2010 .