Heimasíða Grímsnes- og Grafningshrepps

Viðburðir

júlí 2017
Sunnudagur Mánudagur Þriðjudagur Miðvikudagur Fimmtudagur Föstudagur Laugardagur
25. júní 2017 26. júní 2017 27. júní 2017 28. júní 2017 29. júní 2017 30. júní 2017 1. júlí 2017
2. júlí 2017 3. júlí 2017 4. júlí 2017 5. júlí 2017 6. júlí 2017 7. júlí 2017 8. júlí 2017
9. júlí 2017 10. júlí 2017 11. júlí 2017 12. júlí 2017 13. júlí 2017 14. júlí 2017 15. júlí 2017
16. júlí 2017 17. júlí 2017 18. júlí 2017 19. júlí 2017 20. júlí 2017 21. júlí 2017 22. júlí 2017
23. júlí 2017 24. júlí 2017 25. júlí 2017 26. júlí 2017 27. júlí 2017 28. júlí 2017 29. júlí 2017
30. júlí 2017 31. júlí 2017 1. ágúst 2017 2. ágúst 2017 3. ágúst 2017 4. ágúst 2017 5. ágúst 2017

List- og verkgreinar

Allir eru sammála um gildi list- og verkgreina fyrir skólastarf. Talsverð áhersla hefur verið lögð á þessar greinar undanfarin ár í skólanum.

Skólinn er fyrir alla og þess vegna skiptir máli að koma til móts við áhuga hvers og eins. Það er nefnilega svo, að það eru ekki allir sem finna sig í bóklegu námi en blómstra í því verklega. Skólanum ber að koma til móts við þarfir þessara nemenda því list- og verkgreinar skipta miklu máli fyrir þroska og framtíð einstaklingsins. Bóklegar og verklegar greinar styðja hverjar aðrar og er samþætting námsgreina ein leið til árangurs.

Nokkrum sinnum hafa verið fengnir utanaðkomandi aðilar til að vinna að ákveðnum listrænum verkefnum með nemendum og starfsfólki skólans. Má þar nefna, að skólaárin 2005-2007 hjálpaði Ólafur Jens Sigurðsson leikstjóri nemendum í leiklist og sett upp leikverk með þeim. Veturinn 2006-2007 var Stefán Þorleifsson tónmenntakennari fenginn til að vinna með nemendum í tónlist og var sett upp  tónlistardagskrá með þeim og veturinn 2007-2008 kom Ingibjörg Erlingsdóttir tónmenntakennari og aðstoðaði okkar að setja upp Skilaboðaskjóðuna á eftirminnilegan hátt. Undanfarin tvö ár hafa umsjónarkennarar aðstoðað nemendur við að setja upp leikverk sín á árshátíð skólans.

Myndmennt,textílmennt, heimilisfræði, hönnun og smíði, íþróttir, sund og dans eru allt greinar sem falla undir list- og verkgreinar.

Árshátíð skólans

Árshátíðin er árviss viðburður sem er haldin síðasta miðvikudag fyrir páskafrí. Fyrir árshátíðina fer mikill tími í ýmsan undirbúning, s.s. leik-, söng-, og eða dansæfingar og ekki síst leikmunagerð.  Með árshátíðinni er verið að samþætta hinar ýmsu list- og verkgreinar, íslensku, lífsleikni og er hún gjarnan sá þáttur skólastarfsins sem stendur upp úr í huga nemenda, foreldra og starfsmanna ár hvert.