Vikan 17.-22. október 2011
Rauði kisuhópurinn er búinn að vera duglegur þessa vikuna. Við máluðum með fingramálningu í myndlist, fórum í íþróttahúsið og hittum Hófí íþróttakennara, fórum í skóginn og lékum okkur fullt þar. Í tónlistinni fengum að heyra sögu um steinahrúgu uppi á fjalli sem fór að hreyfast og endaði á að steinarnir höfðu breyst í stór tröll, því þetta voru tröll sem höfðu einu sinni breyst í steina. Tröllin voru vöknuð og stigu trylltan dans á fjallinu. Reyndar kom sólin aftur á meðan þau dönsuðu, en af því að þau voru svo upptekin af dansinum höfðu þau gleymt að fylgjast með henni, og þau breyttust aftur í steina! Við hlustuðum síðan á “trölladansinn” (In the Hall of the Mountain King eftir Grieg) og lékum sjálf tröllin sem voru að rumska…