Heimasíða Grímsnes- og Grafningshrepps

Viðburðir

september 2017
Sunnudagur Mánudagur Þriðjudagur Miðvikudagur Fimmtudagur Föstudagur Laugardagur
27. ágúst 2017 28. ágúst 2017 29. ágúst 2017 30. ágúst 2017 31. ágúst 2017 1. september 2017 2. september 2017
3. september 2017 4. september 2017 5. september 2017 6. september 2017 7. september 2017 8. september 2017 9. september 2017
10. september 2017 11. september 2017 12. september 2017 13. september 2017 14. september 2017 15. september 2017 16. september 2017
17. september 2017 18. september 2017 19. september 2017 20. september 2017 21. september 2017 22. september 2017 23. september 2017
24. september 2017 25. september 2017 26. september 2017 27. september 2017 28. september 2017 29. september 2017 30. september 2017

Kennsluhættir

Sveitarfélagið markaði þá stefnu við stofnun Kerhólsskóla að hann skyldi starfa í anda einstaklingsmiðunar, umhverfismenntar og leggja áherslu á list- og verkgreinar.

Einstaklingsmiðun felur í sér að skólinn kemur til móts við barnið á forsendum þess sjálfs en ekki skólans, hóps eða námsefnisins. Nemanda eru sett skýr markmið í svokölluðum Vörðum sem er námskrá sem hvert og eitt barn á. Þær eru gerðar að vori og þar eru tilgreind helstu náms- og félagsleg markmið barnsins, sem unnið skal að í framhaldinu.

Í einstaklingsmiðuðum kennsluháttum vinna nemendur með áform og áætlanir, þjálfast í að setja sér markmið og læra að skipuleggja tíma sinn á sem bestan hátt. Mikill tími fer í að kenna þetta og þjálfa og því skipa þessir þættir veglegan sess í námsmati okkar og koma m.a. fram á sérstöku námsmatsblaði sem heitir Félagsleg markmið. Þau snúa eins og fyrr segir, meira að þeim þáttum sem varða hegðun og atferli því ábyrgð nemenda er mikil í einstaklingsmiðun og hana þarf að kenna og meta jafnt og annað. Félagslegu markmiðin eru metin á hverri önn og eru byggð á Vörðu nemandans og markmiðum sem koma t.d. fram í samræðum nemenda og kennara, símati og eða formlegu námsmati.

Sérstakur matskvarði liggur að baki því mati og fylgir hann með í námsmatsmöppunni og útskýrir hvaða hegðun liggur að baki hvers þáttar.

Til þess að nálgast nemandann þar sem hann er staddur er námsmat mjög mikilvægt. Í Kerhólsskóla notum við námsmat til þess að kynnast nemandanum og kanna stöðu hans. Þegar hún er ljós er hægt að setja markmiðin og áætla leiðir að þeim.